Жижиг, дунд үйлдвэрлэлийг хөгжүүлэх сан /ЖДҮХС/-гаас зориулалтын бусаар өөрсдийн хамаарал бүхий компанид зээл олгосон УИХ-ын гишүүдийг огцрохыг шаардсан 300 орчим иргэн өнөөдөр Сүхбаатарын талбайд жагсав.
Жагсаалын үеэр ЖДҮХС, 60 тэрбумын хэрэг, Оффшорын асуудал зэрэг 12 үндэслэлээр УИХ-ыг тарах шаардлагыг маргааш Засгийн газарт хүргэхээ АТОЗ-ийн тэргүүн Ц.Нарангэрэл онцлов.
“Эксклюзив” компанийн захирал, Монголд бид үйлдвэрлэв ТББ-ын тэргүүн Г.Майцэцэг хэлэхдээ “Жижиг, дунд үйлдвэрлэл эрхлэгчид хүн амын ихэнх хувийг ажилтай, орлоготой болгож байгаа. Тиймээс ЖДҮХС-гийн зээлийг шинээр үйл ажиллагаагаа эхэлж байгаа ААН-үүд авах ёстой. Гэтэл тус сангаас УИХ-ын гишүүд өөрсдийн хамаарал бүхий томоохон компаниудад их хэмжээний зээл олгосон байгаа нь зүй бус үйлдэл. Уг асуудлаар УИХ-ыг огцрохыг шаардаж, тэднээс хариуцлага нэхэхээр иргэд цуглаад байна” гэв.