УИХ дахь МАН-ын бүлгийн хуралдаан Төрийн ордны “Жанжин Д.Сүхбаатар”-ын танхимд үргэлжилж байна. Харин УИХ дахь АН-ын бүлгийн хуралдаан “Их эзэн Чингис хаан” танхимд хуралдахаар гишүүд нь цуглаж байна. Намын бүлгүүдийн хуралдаанаар энэ долоо хоногт байнгын хороод болон УИХ-ын нэгдсэн чуулганаар хэлэлцэх асуудлуудаар байр сууриа нэгтгэх юм.
Энэ долоо хоногт байнгын хороо болон УИХ-ын нэгдсэн чуулганаар ОХУ-ын Засгийн газар болон тус улсын “Ростех” корпорацийн “Эрдэнэт үйлдвэр” ХХК болон “Монголросцветмет” ХХК-д эзэмшиж байсан 49 хувийн энгийн хувьцааг худалдсан талаарх асуудлаар Засгийн газраас авсан арга хэмжээний тухай мөн холбогдох ажлын хэсгийн дүгнэлт /Засгийн газар 2016.10.18-ны өдөр ирүүлсэн/-ийг хэлэлцэхээр оруулсан нь бүлгүүдийн анхаарлаа хандуулах гол сэдэв болж буй юм.