Үндэсний сэтгүүл зүй үүсч хөгжсөний 105 жил, Дэлхийн хэвлэлийн эрх чөлөөний өдрийг тохиолдуулан Нийслэлийн Засаг дарга С.Батболд хэвлэл мэдээллийн байгууллагуудыг шагнаж урамшууллаа.
Тэрээр Монголын сэтгүүл зүйн салбарт оруулсан хувь нэмрийг нь өндрөөр үнэлж “Өдрийн сонин”-ы хамт олныг Нийслэлийн Засаг даргын нэрэмжит шагнал буюу өргөмжлөл, мөнгөн шагналаар шагнасан юм.
Нийслэлийн Засаг даргын нэрэмжит шагналаар “Улаанбаатар” телевиз, “25 дугаар суваг” телевиз, “Өдрийн сонин”, “Өнөөдөр” сонин, “Үндэсний шуудан” сонин, News.mn, Zaluu.com, Ikon.mn сайт, Eagle.mn, Монголын үндэсний олон нийтийн радио, Мэдээллийн радио ФМ 88.8, Эм Жи Эл радио, ФМ 102.1 тус тус шагнууллаа.
Энэ үеэр “Өдрийн сонин”-ы сэтгүүлч Б.Долзодмаа “Хэвлэл мэдээллийн тэргүүний ажилтан” тэмдэгээр, мөн тус сонины сэтгүүлч Б.Уранчимэг “Ган үзэгтэн” шагналын эзнээр тус тус тодорсон юм.
Б.НОМИН-ЭРДЭНЭ