УИХ-ын гишүүн С.Эрдэнийн “Цэц шийдвэр гаргахдаа нийгмийн сэтгэл зүйг дагачих шиг боллоо” ярилцлага өнөөдрийн дугаарт хэвлэгдлээ. Эрхэм гишүүний энэхүү ярилцлагын дэлгэрэнгүйг та II нүүрнээс унших боломжтой.
Мөн “Улс төр” нүүрээс МУИС-ийн Улс төр судлалын тэнхимийн багш, улс төр судлаач, доктор Ч.Өлзийсайханы “Үндсэн хуулиа баримталбал одоогийн УИХ хүчинтэй эсэхийг нь заавал ярих хэрэгтэй болж байна” ярилцлага болон цаг үеийн бусад мэдээ мэдээллийг уншаарай. Харин “Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрт Төрийн шагналт, нэрт нийтлэлч Баабарын “XX зууны монголчууп: Нүүдэл суудал, олз гарз” номын “Оросууд” хэмээх хэсгийн хэвлэлээ. “Баабар ингэж өгүүлэв” буланг та III нүүрнээс бүрэн эхээр нь уншаарай.
Тэгвэл “Баримт үйл, явдал” булангаас “П.Анужин “Монгол тулгатны 100 эрхэм” нэвтрүүлгийг санаачлагчийн хувьд тус нэвтрүүлгийг зогсоох болсноо мэдэгдэв” болон “Монгол тулгатны 100 эрхэм” нэвтрүүлгийг “Дэлхийн монголчууд” гэсэн цуврал нэврүүлэг болгон өөрчилж цацахаа дуулгав” гэсэн хочр байр суурийн талаарх мэдээлэл болоод цаг үеийн бусад мэдээллийг унших боломжтой. Мөн “Өдрийн сурвалжлага”-аар эмч нар Эрүүгийн хуулийн шинэчилсэн найруулгыг эсэргүүцэн жагсаал хийсэн талаар унших биз ээ.
Энэ цагийн хүчтэнүүд болох улсын цолтой шилдэг 12 бөхийн халз барилдаан бямба гаригт болно. Шилдэг арван хоёр бөх хоёр баг болж барилдах юм. Багийн ахлагчаар томилогдоод буй Монгол Улсын арслан П.Бүрэнтөгс, Н.Батсуурь нараас халз барилдааны бэлтгэлийн талаар тодруулжээ. Багийн ахлагчаар тодорсон улсын арслан П.Бүрэнтөгс “Өрсөлдөгч багийнхаа эсрэг төлөвлөсөн юм байгаа” гэсэн бол нөгөө багийн ахлагч улсын арслан Н.Батсуурь “Хурдан, шаламгай барилдана” хэмээн ярилаа. Энэ талаарх сонирхолтой ярилцлагыг та XIII нүүрнээс дэлгэрүүлэн уншаарай.
“Соёл, урлаг” буланд дуучин Ж.Сүрэнлхамын “Үзэгчид дууг минь дагаж дуулахад сэтгэл догдолж, мэлмэртэл уйлмаар санагдсан” болон Дуурь бүжгийн эрдмийн театрын дуучин Монгол Улсын гавьяат жүжигчин Э.Амартүвшиний “Италийн хоёр хотод бие дассан тоглолтоо хийнэ” ярилцлагууд хэвлэгдлээ. Та энэ талаарх дэлгэрэнгүйг XII нүүрнээс унших боломжтой.