“Өдрийн сонин”-ы мягмар гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
МУИС-ийн Олон улсын харилцаа, нийгмийн удирдлагын сургуулийн багш С.Баясгалантай хийсэн ярилцлагыг өнөөдрийн дугаарын тэргүүн нүүртээ онцолж байна. Тэрбээр “Их Британи Европын холбооноос гарснаас шалтгаалж Хятадын үйлдвэрлэл буурвал манай оронд ч нөлөөлнө” хэмээн ярилаа. Ярилцлагыг нэг, хоёрдугаар нүүрээс уншаарай.
Удахгүй болох улсын баяр наадамдаа бэлдэн бөхчүүд өөрсдийн галдаа гарчээ. Өнөөдрийн дугаарын “Наадай айсуй” булангаа Төв аймгаас бэлтгэлээ. Төв аймгийн төв орохоос наахна Дундговь руу салдаг замын уулзварын хойно, Богдхан уулын Баруун Зуунмодын аманд “Дүнжингарав” дэвжээнийхэн байрладаг байна. Монголын ард түмэн наадам гэдэг том, аугаа цэнгэлээрээ тухайн жилийнхээ өнгийг үзэж ямар хүчтэн түрүүлэх бол хэмээн 365 хоногийн турш таамаглан ярилцдаг билээ. Төв аймгийн бөхчүүдийн хувьд 2008 оноос Богдхан уулынхаа энэ аманд байрлаж, наадмын бэлтгэлийг базааж байгаа юм. “”Дүнжингарав” дэвжээний бөхчүүдийн ид хав нь гүйцэж байна” сурвалжлагыг нэг, зургадугаар нүүртээ хэвлэлээ.
“Өдрийн сонин”-ы нийтлэлийн бодлоыг тодорхойлж байдаг алдарт гуравдугаар нүүрт “Сонгууль ч яахав ингээд дууслаа, коридор маань юу болов” нийтлэл хэвлэгдлээ. Харин нийгмийн амьдралын талаарх дөрөвдүгээр нүүрээс “Ломбарданд тавьсан эд зүйлсийн бүх л мэдээлэл цахим санд төвлөрнө”, “Полимери-химийн аж үйлдвэрийг Монгол Улсад хөгжүүлэх шаардлагатай” зэрэг материалыг унших боломжтой.
Тавдугаар нүүрээс “Рио Тинто гэж ямар компани вэ” материалыг уншаарай. Уул уурхайн томоохон төсөл яригдаж эхэлснээс хойш монголчуудад танил болсон компани бол “Рио Тинто”. Үндэстэн дамнасан тус групп 2006 оноос Монгол Улсын Засгийн газартай стратегийн урт хугацааны төсөл дээр хамтран ажиллаж буй.
Баримт, үйл явдлын долдугаар нүүрт “Завиар аялж яваад алга болсон швейцарь иргэн Бруно Дубачийг Сэлэнгэ аймгийн нутагт хайж байна” сурвалжлага гарлаа. Швейцарь улсын иргэн Бруно Дубач гэх 69 настай эр завьтай аялалд гараад ор сураггүй алга болжээ. Тэрбээр Завхан аймгийн Идэр голоос өнгөрсөн тавдугаар сарын 24-нд завьтай аялалд гарсан байна. Ингээд Хөвсгөл аймгийн Төмөрбулаг сумын Олон голын бэлчир гэх газарт нутгийн малчид харснаас хойш ор сураггүй алга болжээ. Түүнийг эрэн хайх ажиллагааг Онцгой байдлын ерөнхий газраас зохион байгуулж байгаа аж.
Мөн “Эмч” булангаас “Элэг шилжүүлэн суулгах хагалгаа хамгийн үр дүнтэй” хэмээх ярилцлагыг уншаарай. Энэтхэг улсын Мэданта Медиси эмнэлгийн элэг шилжүүлэн суулгах институтийн захирал тэргүүлэх зэргийн эмч А.С.Соин “Шинэ элэг, шинэ амьдрал” ТББ-ын урилгаар Монголд хүрэлцэн ирээд байна. Түүнтэй элэгний өвчлөлийн талаар ярилцсан юм.
Түүнчлэн Бөх тайлбарлагч А.Ганбаатар агсны гэргий Н.Тунгалагийн “Тавын даваанаас хоолой нь цангинаад бөхөө тайлбарлаж эхлэхэд нь үзэгчид баяр наадмын хөшиг нээгдэх шиг боллоо гэдэгсэн” ярилцлага, “Зүүн хязгаар дахь Буйр түшсэн буйдхан амьдрал”, “Хөвсгөлийн замын уртыг ээ, хүмүүс нь тайвныг яана” аян замын тэмдэглэл зэргийг өнөөдрийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ