“Өдрийн сонин”-ы баасан гаригийн дугаарт сэтгүүлч зодсон гэх шуугианд нэр холбогдоод буй “Буян”-гийн гэгддэг Жаргалсайхан ярилцлага өглөө. БНН-ын дарга Б.Жаргалсайхан “УИХ-ын гишүүн М.Зоригт Сү.Батболдыг өмөөрч миний нэр хүндийг гутаах гэж цахим ертөнцөд тэр бичлэгийг тавьсан” гэж ярилаа. Тэрээр цаг үеийн халуун сэдвээр ч байр сууриа илэрхийлсэн байгаа. Энэ ярилцлагыг “Өдрийн сонин”-ы 1, 4, 5 дугаар нүүрнээс уншаарай.
“Өдрийн сонин”-ы гол нийтлэл гардаг гуравдугаар нүүрэнд замын хөдөлгөөний наад захын дүрэм, соёл мэддэггүй жолооч “үйлдвэрлэдэг” жолооны курсууд, жолооч нарын ёс зүйн талаар хөндөж байна. Нийтлэлч Д.Мөнгөндалайгийн “Америкийн тэнэгүүд дэлгүүрийн сагс түрдэг, манайхны тэнэгүүд эксел унаж зам түгждэг” гэсэн нийтлэл танд нэгийг сануулж, хоёрыг бодуулах биз ээ.
Устаад зургаан жил болсон улаанбурханөвчний дэгдэлт энэ хавар өндөр байна. Тэр дундаа оюутнууд олноороо өвдөж эхэлжээ. Оюутны дотуур байрны зарим нь халдвар авсан оюутнуудыг тусгаарлах өрөөхүртэл гаргажээ. Өвчний дэгдэлт ямар байгааг ХӨСҮТ, оюутны дотуур байрнаас сурвалжилсныг “Өдрийн сурвалжлага” булангаас сонирхоорой.
“Улс төр”-ийн нүүрэнд УИХ-ын чуулганы хуралдаанаас хийсэн “Ч.Хүрэлбаатар: Та нарын амьдралыг баллачихсан, одоо халааснаас чинь татвар авна гэж сонгогчдодоо хэлэх юм уу” гэсэн сурвалжлага нийтлэгдлээ.
7000 хол давсан хүний амийг авч одсон Балбын аймшигт газар хөдлөлтийн үеэр Катмандуд байсан гурван монгол хүний нэг СГЗ Ж.Саруулбуянгийн “Балбын нулимс урссаар” аян замын тэмдэглэл манай сонины өчигдрийн дугаарт нийтлэгдсэн. Аян замын тэмдэглэлийн үргэлжлэл энэ өдрийн дугаарт нийтлэгдлээ.
Оросын удирдлагагүй болсон “Прогресс М 27М” хөлөг Чили, Аргентины ойролцоо Номхон далайд унаж гэж байна. Энэ талаарх дэлгэрэнгүй мэдээллийг 19 дүгээр нүүрнээс уншаарай.
“Жамаас”, “Өнө мөнхийн эх орон” зэрэг олон дуу нь хүмүүст хүрсэн “Увертура” хамтлаг бие даасан хоёр дахь тоглолтоо ирэх намар хийх гэж байна. Тус хамтлагийн ахлагч Г.Пүрэвдагватай манай сэтгүүлч уран бүтээлийн яриа өрнүүллээ. Энэ ярилцлага 12 дугаар нүүрэнд нийтлэгдсэн байгаа.
Маргааш эх орны дайны ялалтын 70 жилийн ойн баяр болно. Эх орны дайнд оролцож явсан ахмад дайчин Д.Дэнзэнтэй хийсэн “Хувь тавилан намайг орос хүмүүстэй нөхөрлүүлсэн” ярилцлага 18 дугаар нүүрэнд нийтлэгдлээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ