“Өдрийн сонин”-ы лхагва гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
2016 оны УИХ-ын сонгуульд өрсөлдөх нам, эвслийн гишүүд, бие даагчдад СЕХ-ноос өчигдөр нэр дэвшигчийн батламжийг нь гардуулан өгсөн. Энэ удаагийн сонгуульд 12 нам, гурван эвслийн 429, бие даагч 69 нийт 498 хүн өрсөлдөхөөр нэр дэвшсэн юм. Улс төрийн дөрөв, тав, наймдугаар нүүрнээс эдгээр нэр дэвшигчдийн нэрсийг хүснэгтээр хүргэж байна. Мөн хоёрдугаар нүүрэнд Сонгуулийн ерөнхий хорооноос хийсэн мэдээллийг нийтэллээ.
“Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрнээс нийтлэлч Баабарын “Монголчуудын гарал үүсэл” нийтлэлийг уншаарай.
Япон-Монголын хооронд байгуулсан “Эдийн засгийн түншлэлийн тухай хэлэлцээр” өчигдрөөс эхлэн хэрэгжиж эхэлсэн билээ. Энэ хэлэлцээрийн дагуу 0-3 жилийн насжилттай япон машины гаалийн татварыг тэглэхээр болсон. Энэ талаарх сурвалжлагыг зургадуугаар нүүрнээс унших боломжтой.
Баримт үйл явдлын долдугаар нүүрнээс уул уурхайн салбарт авлигын ямар эрсдэл тулгарч байгаа талаар тухайлбал, орон нутгийн удирдлагууд энэ салбарт авлигад автах өндөр эрсдэлтэй байдаг тухай уншаарай. Авто замын осол манай улсын хэмжээнд аюулын харанга дэлдээд байгаа. Энэ тухай долдугаар нүүрт нийтэллээ.
“Форбс” сэтгүүлээс жил болгон дэлхийн хамгийн нөлөөб бүхий эмэгтэйчүүдийн жагсаалтыг гаргадаг билээ. Энэ жилийн жагсаалтыг ХБНГУ-ын Канцлер Ангела Меркель тэргүүлжээ. Энэ тухай дэлхийн мэдээний есдүгээр нүүрнээс уншиж сонирхоно уу.
Сумогийн 69 дэх их аварга Хакухо М.Даваажаргал, Монголын сумогийн алтан хараацай Кёкүтэнхо Н.Цэвэгням нар сумогоор холбогдон ах дүүс болсон тухай Японы “Шинчо 45” сэтгүүлийн зургадугаар сарын дугаарт хэвлэгдсэн байна. энэ яриаг хөрвүүлэн уншигчдадаа хүргэж байна. Та энэхүү яриаг арванхоёр болон арвангуравдугаар нүүрнээс унших боломжтой.
Өчигдөр ЭМСЯ-наас хэвлэлийн бага хурал зарласан. Тус хурлаар нүхэн жорлонгийн шинэ стандартыг танилцуулсан байна. Энэ тухай 17 дугаар нүүрнээс уншаарай.
“Улаанбаатар аялал жуулчлалын холбоо”-ны тэргүүн Ё.Бадралтай хийсэн ярилцлагыг 19 дүгээр нүүрнээс уншаарай. Энэхүү ярилцлагыг уншсанаар амралт, зугаалгаа хэрхэн зөв төлөвлөх, эрсдэлгүй тохитой аялах тухай ойлголттой болох юм.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ