Монголын өдөр тутмын хамгийн том, хамгийн олон уншигчтай өдрийн сонины мягмар гаригийг дугаар хэвлэгдэн гарлаа. Энэ өдрийн дугаарт “Хувийн их дээд сургуулиуд нэмэлт элсэлт зарласан ч цөөн оюутантай байна” хэмээх сурвалжлага хэвлэгдсэн юм. Өнөө жилийн хувьд анхны арванхоёрдугаар анги төгсөж байгаа. Тиймээс урьд жилүүдийг бодвол бараг хоёр дахин цөөн элсэгч их сургуульд орно. Энэ нь олон их, дээд сургуулиудын хувьд хүндрэл үүсгээд байгаа юм. Үүнийг хөндөн сурвалжилжээ. Мөн нэгдүгээр нүүрнээс 13 дугаар нүүрт Ерөнхийлөгчийн хүний эрх, хуулийн бодлогын зөвлөх Ч.Өнөрбаяртай хийсэн “Өршөөлийн хуульд Ерөнхийлөгч хэсэгчлэн хориг тавьж УИХ-д хүргүүлнэ” хэмээх ярилцлага оров. Тэгвэл УИХ-ын гишүүн Г.Уянгын “Сайдын албан тушаал хүссэн хүн авах гэж гүйдэг амттан биш” ярилцлагыг тавдугаар нүүрт нийтэлжээ.
Баримт үзэл бодлын гуравдугаар нүүрт “МАН-ын твиттерчдийг баярлуулан жиргүүлэхгүйгээр ам.долларын ханшийг барих боломж бий” хэмээх нийтлэл хэвлэгдлээ. Үүгээр ам.долларын ханшийг хазаарлах болон ямар шийдвэрүүд гаргавал эдийн засагт сэргэлт авчрах сэдвийг хөнджээ.
Манай худалдаачид урд хөрш рүү адууны арьс гаргаж чадахгүй зургаан улирал дамнаж байгаа аж. Энэ талаар худалдаа эрхлэгч Л.Отгонбаяртай “Арав орчим тэрбум төгрөгийн арьс Эмээлтэд хураалттай байна” хэмээх асуудал дэвшүүлсэн ярилцлагыг зургадугаар нүүрээс уншаарай. Түүнчлэн Өршөөлийн хуулийг хэрэгжүүлэх комисст ажиллахаас татгалзсан нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл “Өршөөлийн хуулийг хэрэгжүүлэх комисст орвол өмнөх хийсэн ажлаа үгүйсгэсэн хэрэг болно” хэмээн байр сууриа илэрхийлжээ.
Мөн өнөөдрийн дугаарт жүжигчин Амбий буюу Ц.Батхуяг агсны хүү Б.Эзэнбат “Аавтайгаа хамт тайзан дээр гарч байсан нь хамгийн сайхан дурсамж юм даа” хэмээх хүмүүс буланд оролцохдоо онцолсон байна. Энэ жил чөлөөлөх дайны 70 жилийн ой тохиож байгаа. Түүнтэй холбогдуулан ахмад дайчин Д.Дашхүүтэй хийсэн “Тусгаар тогтнолоо зөвшөөрсөн гарын үсгээ хилийн цаана зурж байлаа” хэмээх ярилцлага хэвлэгдсэн юм.
“ӨДРИЙН СОНИН” ӨГЛӨӨ БҮР ТАНТАЙ ХАМТ