“Өдрийн сонин”-ы бямба дугаарт “Дасгалжуулагч нь барилдаж байгаа нь чөлөөлт бөхийн холбоо дампуурч байгаагийн илрэл” нийтлэл гарлаа. Катарын Доха хотноо зохиогдсон Азийн аварга шалгаруулах тэмцээнд визний асуудлаас болоод манай тамирчид оролцож чадаагүй. Оронд нь дасгалжуулагчид нь барилдлаа. Монголын чөлөөт бөхийн холбооныхны алдаа гаргаж байгаа нь эхний тохиолдол биш. Улсынхаа нэр төрийг шороонд хутгасан тэдэнд ямар хариуцлага хүлээлгэх вэ. Энэ асуудлыг “Өдрийн сонин” гуравдугаар нүүрэндээ онцолж бичлээ.
Өнөөдөр мод тарих өдөр. Энэ жил нэг сая мод ургуулах аяны хүрээнд энэ өдрийг тэмдэглэх юм байна. Мөн мод сөөг, суулгацын үзэсгэлэн худалдааг дүүрэг бүрт зохион байгуулах юм байна. Энэ тухай сурвалжлага нэгдүгээр нүүрээс VII нүүрт нийтлэгдлээ.
Бямба гаригийн уламжлалт “Нэг ангийнхан” буланд Соёлын гавьяат зүтгэлтэн, сэтгүүлч Б.Галаарид оюутан цагийн нандин дурсамжаа хөрвүүллээ. Уралын их сургуульд сэтгүүлч мэргэжлээр сурч байсан нэг ангийнхны дурсамжийг түүний ярьснаар буулгасан билээ. “Урал”-ынхны нэг ангийнхан буланг нэгдүгээр нүүрээс VI нүүрээс унших боломжтой.
Улс төрийн нүүрэнд УИХ-ын чуулганы үдээс өмнөх хуралдааныг тоймлон хүргэлээ. Нийслэлийн албан татварын тухай хуулийг хэлэлцэх үед АН, МАН-ынхан талцаж сүйд болсон. Ажлын хэсгийнхний гаргасан санал дэмжигдээгүй учраас энэ асуудал хойшилсон билээ. Дараа нь Монгол Улсын эдийн засаг, нийгмийг 2016 онд хөгжүүлэх үндсэн чиглэл батлах тухай УИХ-ын тогтоолын төслийг хэлэлцлээ. Дэлгэрэнгйг II нүүрээс уншина уу. Мөн уг нүүрт Хөдөлмөрийн үндэсний намын дарга С.Боргил тодрууллага өглөө.
“Өдрийн сонин”-нд хэн ч үгээ хэлж болдог. Уншигчдадаа зориулж Хэлэх эрхийн индэр ажиллуулж байгаа. Энэ удаад иргэн Ц.Цэнд-Аюуш нийтийн тээврийн тухай, Д.Мижиддорж хэлний хүчирхийллийн тухай гэх зэргээр дөрвөн хүн үгээ хэллээ.
Бямба гаригийн “Өдрийн зочин”-нд шатрын их мастер Д.Номин-Эрдэнэ уригдлаа. 15 настай энэ охин “дэлхийн аварга бол дөнгөж эхлэл” гэж хэлэв. Ухаалаг, хэрсүү охины талаар болон дэлхий дахинд өрнөж буй үйл явдлыг V нүүрээс уншина уу.
122 насалсан Жаннагийн гайхамшигт түүх IX нүүрт гарлаа. Түүний өндөр насалсан учрыг эрдэмтэд өөдрөг үзэлтэй холбодог юм билээ. Өндөр наслалтаараа дэлхийн дээд амжилтыг тогтоосон түүний талаар амралтын өдрөө уншина уу.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ