Истанбул-Улаанбаатар чиглэлийн тусгай үүргийн нислэгээр ирж буй нэг эх агаарын хөлөгт амаржиж, хоёр ихэр охин төрүүлжээ. Нислэгт Буянт-Ухаа хилийн мэргэжлийн хяналтын эрүүл ахуй халдвар хамгааллын 2 улсын байцаагч (мэргэжлийн эмч), ХӨСҮТ-ийн тархвар судлаач эмч хамт ниссэн бөгөөд эх хүүхдийг эсэн мэнд амаржуулан эмнэлгийн тусламж үйлчилгээ үзүүлж байна.
Тусгай үүргийн онгоц шөнө 01:13 цагт Улаанбаатарт газардсан бөгөөд амаржсан эхийн ар гэрийнхэнтэй холбогдож энэхүү мэдээг хүргэжээ, эх хүүхдийн бие хоёулаа сайн байгаа аж.
Х.ЕСҮ