УБТЗ энэ оны эхний дөрвөн сарын дараах байдлаар 10.7 сая тонн ачаа тээвэрлэжээ. Ингэснээр төлөвлөгөөгөө 106 хувиар биелүүлсэн байна.
Нийт тээсэн ачааг задалбал, БНХАУ-аас 370, ОХУ-аас 693 буюу нийт 1 сая 64 мянган тонн ачаа импортлосон байна. Харин БНХАУ руу 3 сая 800, ОХУ руу 68 мянган тонн буюу нийт 3 сая 901 мянган тонн ачаа экспортолжээ. Мөн орон нутгийн тээвэрт 4 сая 231 мянган тонн ачаа тээв. Тэгвэл эхний дөрвөн сарын дараах байдлаар манай улсын нутгаар дамжин өнгөрсөн тээврийн хэмжээ 1 сая 548 мянган тоннд хүрлээ. Өөрөөр хэлбэл, БНХАУ-аас ОХУ руу 503, ОХУ-аас БНХАУ руу 1 сая 44 мянган тонн ачаа манай улсын нутгаар дамжин өнгөрсөн байна.