НЗДТГ, нийслэлийн Аялал жуулчлалын газраас “Монголын чопперчин ахан дүүс”, “Ред фалконс” ТББ-уудтай хамтран дөрөв дэх жилдээ “Талын салхи-2018” олон улсын мото наадмыг өнөөдөр, маргааш гээд хоёр өдөр зохион байгуулж байна.
“Талын салхи-2018” олон улсын мото наадмын нээлт өнөөдөр 10.00 цагаас Д.Сүхбаатарын талбайд болсон бөгөөд нээлтэд нийт 790 гаруй мотоциклчид оролцов. Мотоциклчид Төв талбайгаас цуваа болон Тэрэлж дэх “Мондэ” амралтын газар луу хөдлөжээ.
Тус амралтын газарт тусгайлан зассан мото наадмын талбайд 300 мотоциклын үзэсгэлэн зохион байгуулагдана. Мөн орой нь “Харанга”, “Хурд”, “Нисванис”, “Булсара”, “Жонон”, “Аравт”, “Empire”, “Аадар” гэх мэт хамтлагууд, реппер Gee, Desant, NMN, дуучин Gang, DJ Zaya, Tuvshin, Ladies, уран нугаралт, циркийн үзүүлбэрүүдийг үзүүлэх ажээ.
Харин өнөөдрийн уралдаанд Монгол Улсын Ерөнхий сайд У.Хүрэлсүх тэргүүлж явжээ. Тэрбээр мотоциклын спортын хорхойтон бөгөөд энэ арга хэмжээг нээн парадад оролцов.