Ө.Бат-Оршихын гарьд цолны мялаалга наадамд П.Бүрэнтөгс түрүүллээ

Энэ жилийн үндэсний их баяр наадамд үзүүрлэж, Монгол Улсын гарьп цол хүртсэн Өлзийтогтохын Бат-Оршихын цолны мялаалга наадам түүний төрсөн нутаг Увс аймгийн Улаангом хотод өчигдөр боллоо.

Наадамд улсын арслан П.Бүрэнтөгс, Н.Батсуурь, заан Б.Соронзонболд, харцага А.Цацабши, Т.Баасанхүү, А.Бямбажав нараар магнайлуулсан улс аймгийн алдар цолтой 128 бөх хүч бяраа сорьсноос Увс аймгийн Давст сумын харьяат, улсын арслан П.Бүрэнтөгс түрүүлж, Баянхонгор аймгийн Баянбулаг сумын харьяат, аймгийн хурц арслан Н.Золбоо үзүүрлэв.

Харин их шөвөгт Увс аймгийн Ховд сумын харьяат, улсын арслан Н.Батсуурь, Увс аймгийн Тэс сумын харьяат, улсын харцага Т.Баасанхүү нар тус тус шалгарлаа.