Сошиал сүлжээний Твиттер групп 2014 оны дөрөвдүгээр улирлын тайлангаа гаргалаа. Тус компани дөрөвдүгээр улиралд 125 сая доллар алдагдал хүлээсэн нь аналистуудын хүлээж байснаас ч их дүнд хүрчээ. Түүнчлэн 2014 оны туршид нийт алдагдлын хэмжээ нь 479 сая долларт хүрсэн байна. Алдагдлын хэмжээ дөрөвдүгээр улиралд өмнөх улирлынхаас 95 хувиар огцом өссөнөөр ийнхүү алдагдал нь нэмэгджээ. Гэхдээ энэ он гарсаар эхний нэг сард твиттер хэрэглэгчдийн тоо 20 хувиар өсч, дэлхий даяар 288 саяд хүрсэн байна.