Туялзуур сэлэмний ДАШТ 2022 оны долоодугаар сарын 15-20-ны өдрүүдэд Египетийн Каир хотод зохион байгуулагдана. Монгол Улсаас олон улсын хэмжээний мастер Б.Амарзаяа дэлхийн аваргад оролцох бөгөөд өнөөдөр эх орноосоо мордлоо. Тэрээр 40 гаруй улсын тамирчдын хамт тэмцээний өмнөх хамтарсан бэлтгэлд хамрагдах юм.
Түүний хувьд өнгөрсөн онд Узбекистан улсын нийслэл Ташкент хотноо зохион байгуулагдсан олимпийн эрх олгох Ази, Номхон далайн орнуудын туялзуур сэлэмний тэмцээнээс хүрэл медаль хүртэж байсан юм.