Засаг захиргаа нутаг дэвсгэрийн нэгж түүний удирдлагын тухай хууль шинэчлэн гарсантай холбоотойгоор хоорондоо зөрчилтэй зүйл заалтыг буруугаар ашиглан иргэдийн нийтийн хурлын үйл ажиллагааг зогсоосон талаар БЗД-ийн иргэд мэдээлэл хийлээ.
Тэд “Монгол улсын иргэн бүр хороогоор үйлчлүүлдэг. Иргэдийн нийтийн хурал Засаг даргын үйл ажиллагаанд хяналт тавьдаг. Гэтэл энэ заалтыг яагаад авч хаяв. Үүнийг сөхөж үзвэл зөрчилтэй зүйлс байна.
Энэ хуульд харшилсан, хоорондоо уялдаагүй, иргэдийг төөрөгдүүлсэн, Засаг даргын эрх мэдлийг нэмэгдүүлэх агуулга байна. Иргэд сонгогчдын эрх давхар зөрчигдөж байгаа юм. Санал, гомдлыг Иргэдийн нийтийн хуралд хүргүүлдэг. Энэ асуудлыг хурлаар авч үздэг байсан. Гэтэл одоо энэ үйл ажиллагаа байхгүй болбол иргэд л хохирох юм.
Иргэдийн нийтийн хэлэлцэх асуудлыг дээд шатны байлгуулга хэлэлцэх эрхгүй тухай Үндсэн хуулийн 4-р бүлгийн 62 зүйлд заасан байдаг. Гэтэл үүнийг зөрчиж байна.
Төвийн зургаан дүүргийн Иргэдийн нийтийн хурлыг зогсоож, тамгаа хураалгахыг шаардсан байгаа юм.
Иргэд шинэ хуулийн талаар ямар ч мэдээлэлгүй байна. Тиймээс бид “Хуульд иргэдийн оролцоо” зөвлөлийг бий болгон ажиллаж байна. Бүх баг, хорооны иргэдийн нийтийн хуралд ажиллаж байсан хүмүүсийг бидэнтэй хамтарч ажиллахыг хүсье” гэлээ.