Тусгаар тогтнол эв нэгдлийн нам албан ёсоор байгуулагдсан талаар мэдээлэл хийв. Тус нам нь 2015 оны дөрөвдүгээр сарын 18-ны өдөр Үндсэн хууль, бусад хуульд заасны дагуу Монгол Улсын иргэн эвлэлдэн нэгдэх эрхийн дагуу үүсгэн байгуулагджээ.
Тусгаар тогтнол эв нэгдлийн намд монгол хүний эрх, эрх чөлөөг дээдэлсэн, улсынхаа тусгаар тогтнол, шударга ёс, ардчиллыг сэргээн тогтоон оюуны алтан санг хадгалж, хөрс газар шороогоо хамгаалахын төлөө зорин тэмүүлсэн мянга мянган залуус өөрсдийн хүсэл зорилго, тэмүүллээрээ нэгдсэн байна.
Тус намын зорилго нь одоо ярьж сонсох биш хийж бүтээхийг эрхэм зорилго болгож, эвлэлдэн нэгдэж хөгжил өөд хамтдаа зүтгэж, зэвсгээр биш оюунаараа дэлхийн тавцанд шинэ монгол, шилдэг монгол хүнийг гаргах аж.
Тусгаар тогтнол эв нэгдлийн намын Ерөнхий нарийн бичгийн дарга Ц.Баттөр “ Манай нам ямар нэг намын ар тал биш. Өөрсдийн хүсэл сонирхол, зорилгоороо нэгдсэн залуусын нам. Бусад нам шиг өвөр түрүүндээ орохгүй өөрсдийн эх орны төлөө бүхнээ зориулна” гэжээ.