Улсын наадмын бөхийн барилдаанд түрүүлсэн бөхөд “Ланд Крузер-200” автомашиныг бэлэглэхээр болжээ. Үндэсний их баяр наадмын албан ёсны түншээр хоёр дахь жилдээ ажиллаж байгаа “Тоёота” компани энэ жилийн Үндэсний их баяр наадмаар түрүүлсэн бөхийг Тоёота компанийн Ланд Крузер-200 автомашинаар шагнах юм байна. Мөн түрүү бөхийн бай шагналд өгөх автомашиныг Чингисийн талбайд танилцуулах аж.