Турк улсын Засгийн газар Монгол Улсын нутаг дэвсгэрт хүн хулгайлах оролдлого хийгээгүй хэмээн өчигдөр албан ёсоор мэдэгдлээ. Туркийн Гадаад хэргийн яамны төлөөлөгч Хами Аксой “Баасан гарагт Монгол улсад болсон үйл явдлыг хүн хулгайлах үйл ажиллагаа хэмээн мэдэгдсэнд харамсаж байна. Бид үүнийг няцааж байна” гэжээ.
Гэрчийн мэдүүлгээр баасан гарагийн өглөө таван залуу Вейсел Акчайг гэрийнх нь гаднаас машинд суулган авч явсан. Харин тухайн үед Турк улсын агаарын хүчин ТТ4010 дугаартай онгоц Чингис хаан олон улсын нисэх буудалд газардаад байсан юм. Энэхүү үйл явдал давхцаж байсанд нийгэмд хардлага төрүүлээд байсан юм.