Төв байрандаа 64 захиралтай Төрийн банкнаас нийт 243 ажилтнаа халахаар мэдэгдэл өгчээ. Эдгээр ажилтнууд өөрсдийгөө үндэслэлгүйгээр халагдсан гэж үзэж байгаагаа илэрхийлжээ. Тиймээс “ажлаа хийж татвараа төлж явсан бид эдийн засгийн хямралын золиос болж байна” хэмээн МАН-ын дарга М.Энхболдод хандан ил захидал хүргүүлж байгаа аж. Уг захидалд “М.Энхболд дарга хэлэхдээ, МАН-ын бодлогын гадна нэг ч иргэн үлдэхгүй гэсэн гэсэн байгаа нь бодит амьдралд Төрийн банкны ажилтнуудад хэрхэн нөлөөлж байгааг анхаарч үндэслэлгүйгээр халагдсан 243 ажилтанд хууль эрх зүйн туслалцаа үзүүлнэ үү” гэсэн байна.
Тус банкны захирал Д.Баярсайхан байнгын хорооны хуралдааны үеэр УИХ-ын гишүүдийн асуултад хариулахдаа, “Төрийн банкны төв байранд 64 захирал ажилладаг” гэж байсан билээ.