Баянгол дүүргийн ИТХ-ын ажлын албаны дарга Б-г хар тамхины хэрэгт холбогдуулан шалгаж байна гэж зарим сонин мэдээлжээ.
Өнгөрсөн арванхоёрдугаар сарын эхээр Монголын хип хоп холбооны ерөнхийлөгч Ш.Батбаяр буюу Баавар, “Жигүүр Гранд” группийн Ерөнхий захирал Д.Баттөрийн төрсөн дүү “Хааны элч” гэж өөрийгөө тодотгодог Д.Дашдаваа, “Айс Топ” хамтлагийн зарим гишүүд нарын зургаан хүнийг хар тамхины хэргээр шалгаж, цагдан хорих 461-р ангид саатуулаад байсан юм. Тэгвэл энэ хэрэгт холбогдон шалгагдаж байгаа хүмүүсийн нэг нь Баянгол дүүргийн ИТХ-ын ажлын албаны дарга М.Бадрах юм байна. Тэднийг хар тамхи хадгалсан, борлуулсан гэх үндэслэлээр шалгаж байна гэлээ. Нэмж мэдээлэл өгөхөд хар тамхины хэрэгт холбогдуулж 132 хүнийг шалгаж байгаа юм. Дээрхи хүмүүсийг хар тамхи үнэхээр хадгалж борлуулсан эсэхийг нь эцсийн байдлаар шүүх тогтоох аж.