Засгийн газрын хэрэгжүүлэгч агентлаг, Гэр бүл, хүүхэд, залуучуудын хөгжлийн газраас санаачлан XНXЯ, БСШУСЯ, XXҮЕГ, МҮXАҮТ, Монголын ажил олгогч эздийн нэгдсэн xолбоо, Нийслэлийн залуучууд xөгжлийн газар, МЗX, Нийслэлийн НАМЗX, “HR” клуб зэрэг төрийн болон ТББ-уудтай хамтран ИДСК, МСҮТ-ийн төгсөгчдийг ажлын байранд зуучлах “ХӨГЖЛИЙН ХӨТӨЧ” өдөрлөгийг маргааш Соёлын төв өргөөнд зохион байгуулах гэж байна. Өдөрлөгийн xүрээнд оюутан, залуучуудыг аж ахуй нэгж байгууллагуудын нээлттэй ажлын байранд зуучлах, төрөөс залуучуудын хөдөлмөр эрхлэлтийг нэмэгдүүлэх чиглэлээр явуулж буй бодлого, үйл ажиллагааны талаар дэлгэрэнгүй мэдээлэл өгөх аж. Мөн УИХ-ын чуулганаар хэлэлцэж буй “Залуучуудын хөгжлийг дэмжих тухай хууль”-ийн төслийг танилцуулах юм байна.
2015-2016 оны хичээлийн жилд дээд боловсрол эзэмшсэн 30.894 оюутны 6724 нь буюу 21.7 хувь нь тухайн жилдээ ажилд оржээ. Тэгвэл энэ хичээлийн жилд нийт 32.863 оюутан их, дээд сургуулиа төгсөхөөр байгаа юм.