АНУ-ын ерөнхийлөгч Жо Байден коронавируст цар тахалтай тэмцэхэд зориулж 1.9 их наяд ам.долларын төсөв санаачилсан билээ. Конгрессын хоёр танхим болох Сенат, Төлөөлөгчдийн танхимын гишүүд дэмжсэнээр энэхүү тусламжийн багц хэрэгжихээр болж байна.
Тухайлбал, тусламжийн багцад насанд хүрсэн АНУ-ын иргэн бүрт 1400 ам.долларыг бэлнээр олгох юм. Мөн есдүгээр сар хүртэл ажилгүйдлийн тэтгэмжийг долоо хоногт 300 ам.доллар олгох юм байна. Түүнчлэн муж улс бүрийн орон нутгийн удирдлагуудын төсөвт 350 тэрбум ам.доллар байршуулах, сургуулиудын үйл ажиллагааг нээхэд 130 тэрбум ам.доллар, коронавирусийн шинжилгээ судалгаанд 49 тэрбум ам.доллар, вакцины түгээлтэд 14 тэрбум ам.долларыг тус тус зарцуулах гэнэ.
Д.ЦЭРЭНДОЛГОР