Гадаад харилцааны яаманд “Цахим засаглал-хэтийн төлөв” сургалт болж байна. Хөтөлбөрийн үйл ажиллагаа нээснийг мэдэгдэж Нийслэлийн мэдээллийн технологийн газрын дарга О.Чинзориг үг хэлэв.
Засгийн газрын тохируулагч агентлаг, Харилцаа холбоо мэдээллийн технологийн газар болон бусад холбогдох байгууллагаас зохион байгуулж буй энэ хөтөлбөрт яам агентлагууд мэдээллийн аюулгүй байдлын талаар санал солилцож буй юм. Тухайлбал, төрийн үйлчилгээний байгууллага болон иргэд тоон буюу цахим гарын үсэг ашигласнаар арын үсэг зурсан этгээд буюу эзэн, хариуцагч нь хэн бэ гэдгийг нотлох, мэдээллийн үнэн зөв байдлыг хадгалах боломжтой юм. Хэдийгээр гарын үсэгтэй ижил боловч гар бичмэл шиг хуулбарлах боломжгүй гэдгээрээ давуу талтай. Тоон гарын үсгийг төрийн үйлчилгээний зарим байгууллагад ашиглаж байгаа гэв.
Манай улсад цахим засаглал, мэдээллийн аюулгүй байдлыг хангах зорилгоор УИХ-д 2001 оноос хойш хэд хэдэн тогтоолыг шинэчлэн баталсан байдаг. Хамгийн сүүлд Засгийн газрын 2016 оны 151 дүгээр тогтоолыг мөрдөн хэрэгжүүлж байгаа юм гэж Нийслэлийн мэдээллийн технологийн газраас мэдээллээ.