Гадаад харилцаа, эдийн засгийн хамтын ажиллагааны яамны Консулын газраас охид бүсгүйчүүдэд хандаж сэрэмжлүүлэг гаргалаа.
Сүүлийн үед монгол охид, бүсгүйчүүд интернет дэх Facebook, Twitter зэрэг олон нийтийн сүлжээгээр гадаадын иргэнтэй танилцан, улмаар тэдний гэрлэх санал, өндөр хөгжилтэй оронд урьсан урилгад нь хууртан мөнгө төгрөгөө залилуулах явдал нэлээд гарч байгаа аж. Тухайлбал, сайхан амлалтанд хууртан орон байраа зарж мөнгө төгрөгөө гадаадын хүнд шилжүүлж, цахим гэмт хэргийн хохирогч болох тохиолдол ч гарч байгаа тул эд хөрөнгө, сэтгэл санааны хохирол амсахаас сэргийлж, танихгүй хүнтэй харилцахдаа хянуур, болгоомжтой хандахыг сэрэмжлүүллээ.