УБЦТС ТӨХК нь Хэрэглэгчдэд үйлчлэх төв болон салбар кассуудаар төлбөрөө төлсөн хэрэглэгчдэдээ энэ оны нэгдүгээр сарын 21-ний өдрөөс эхлэн Нэмэгдсэн өртгийн албан татварын удирдах систем /НӨАТУС/-ийн баримтыг хэвлэн өгч байгаагаас гадна цахилгаан эрчим хүчний цахим үйлчилгээ http://my.tog.mn-ээр төлбөрөө хийсэн тохиолдолд баримтыг илгээж байгаа билээ.
Харин арилжааны банкууд НӨАТУС-ийн баримт хэвлэх үйлчилгээг нэвтрүүлэхээр ажиллаж байгаа бөгөөд одоогоор Төрийн банк цахилгааны төлбөрөө төлсөн харилцагчдадаа баримтыг хэвлэн өгч байна. Тиймээс бусад банкаар цахилгааны төлбөрөө төлсөн хэрэглэгчид УБЦТС ТӨХК-ийн харьяа Хэрэглэгчдэд үйлчлэх төвөөсөө НӨАТУС-ийн баримтаа авах боломжтой юм.
Энэхүү баримт нь зөвхөн тухайн сардаа л гарах ба өмнөх сарын баримтыг нөхөж олгохгүйг анхаарна уу.