Өнөөдрийн байдлаар цахилгаан хэрэглэгчид сард 150 кв цаг хүртэлх хэрэглээндээ 98.4 төгрөг, 151 кв цаг болон түүнээс дээш хэрэглээг 118.2 төгрөгөөр тооцож төлдөг. Харин гэр хорооллын хэрэглэгчид шөнийн цагаар хөнгөлөлт эдэлдэг. Цахилгааны төлбөрөө иргэд сар бүрийн 20-ны дотор төлдөг.
Үүнээс 5 орчим хоногийн өмнө орон сууцны айлуудын хаалган дээр цахилгааны төлбөрийн хэмжээ хэрвээ хугацаа хэтэрвэл тог таслахыг мэдэгдсэн хуудас наадаг. Төлөх хугацаанаас нэг өдөр өнгөрөхөд цахилгааныг нь тасалдаг. Иргэдийн хувьд цахилгааны төлбөрөө цаг тухайд нь төлдөг ч зарим үед ажил төрөл амжилгүй ганц хоёр хоног хэтрүүлэх тохиолдол байдаг. Тэгвэл төлбөрөө цагт нь төлдөг иргэдээ урамшуулахаар салбарын хэмжээнд яригдаж эхэлсэн байна. Иргэдийн төлсөн төлбөрийн хэмжээнээс шалтгаалаад тодорхой хэмжээний цахилгаан хэрэглүүлдэг болохоор төлөвлөсөн байна. Мөн эрчим хүчний тарифыг хямдруулах талаар судалж эхэлсэн байна.