Хурандаа нарын гэх тодотголтой хэргүүд олноор гарах боллоо. Долдугаар сарын1-ний хурандаа нарын хэрэг, г.сарангэрэлийн хурандаа нарын хуйвалдаан зэрэг нь Монгол улсын цагдааг нүдний булай болгож байна. Хэдэн хурандаа нараас болж цагдаагийн байгууллагын нэр хүнд эрс унаж эхэллээ. Долдугаар сарын 1-ний үймээний үеэр намаа өмөөрч, намынхаа тушаалаар хурандаа нар ард түмний өөдөөс буу тонгойлгосон. Ингэж намчирхсаных нь гороор таван сайхан залуу алтан амиа алдсан. улс төржсөн хурандаа нар харин шүүх рүү явж, ялаа эдэлсэн. Тэд ажил амьдралаасаа салсан. одоо г.сарангэрэлийн гэх хурандаа нарын хуйвалдсан хэрэг тэднийг ажилгүй болголоо. энэ хуйвалдааны жүжиг арай хэтрээд байна. сүүлдээ 170 см өндөртэй, 22 настай “шкаб” шиг том биетэй хамгаалагч залууг 18 настай “харандаа” шиг нарийнхан биетэй сарангэрэлд зодуулсан гээд эрүүгийн хэрэг үүсгэчихсэн байгаа юм. зодсон домог бий болгоод эрүүгийн хэрэг үүсгэнэ гэдэг арай хэтэрсэн асуудал боллоо. Ийм жүжиг тавихаа болимоор юм. энэ бүхний цаана жирийн иргэний амьдрал байгаа гэдгийг хурандаа нар мэддэггүй юм уу. Салбарын сайдынхаа нэр хүндийг унагах гэж улайрахаас илүү цаана нь 18 настай цэцэг цэврүү шиг охины амьдрал хайран биш гэж үү. тэр охины амьдрал хэдэн хурандаа нарын тоглоом болоод дуусах уу. адилтгаж үзэх охин үргүй эсвэл жиших бүсгүйгүй хүмүүс үү, тэд.
Долдугаар сарын 1-ний үймээний хэргээр жишээлж
харахад цагдаа нар улс төржиж намчирхсанаас болж ард түмнийхээ өөдөөс буудсан. амиа алдсан тэр залуус өөр шиг нь хүн гэдгийг улс төржсөн хурандаа нар бодоогүй. ард түмнийхээ аюулгүй амар тайван байдлыг хангах ёстой хүчний байгууллага намыг өмөөрч, намын өмнөөс иргэд рүү буу шагайхыг тэр үед монголчууд харсан. ард түмнийг ялаа алахын дайтай тоодоггүй юм билээ. улс төржсөнөөс болж ийм л зүйл болдог. Г.Сарангэрэлийн гэх хуйвалдааны хэрэг зохиосон олон хурандаа одоо шүүх рүү явах нь тодорхой болж байна. энэ хэрэг бас л хурандаа нар улс төржиж, намын фракц хоорондын далд тэмцэлд орооцолдсоныг харуулдаг.
Цагдаа ингэж талцаж, улс төржиж байх үед Монголын эрүүгийн нөхцөл байдал хүндэрч байна. рецедивүүд Монголын нийгэмд толгойгоо өндийлгөж буй сураг хаа сайгүй л дуулдах болов. “тийм ч хурандааг танина, тэр асуудлыг чинь тэгээд шийдчихье. Компанийнхаа тэдэн хувийг өг” гээд хотын төвийн аль үнэтэй бааранд дуудаж уулздаг тухай бизнес эрхлэгчид түгшин ярьж байна. Цагдаа хүчнийхэн намчирхаад ажлаа хийхээ болиход тэд нар ийнхүү оодордог.
аль нэг нам хүчин гэж дагаж гүйж байхаар цагдаа энэ рецедивүүдийг нам дарах хэрэгтэй. Яг Хууль зүйн сайд асан Ц.нямдорж шиг. Ийнхүү улс төржөөд, улстөрчдийн өмнөөс олон нийт рүү “боргохоороо” хурандаа нар ажилгүй болдог, шүүх рүү явдаг. Үүнийг дээрх хоёр жишээнээс хангалттай харж болохоор юм. Тэгэхээр намчирхсан байдлаасаа цагдаагийн байгууллага салж, улс төржсөн хурандаагүй болох хэрэгтэй байна.
“Цагдаа хүчнийхэн улстөрчдийг томилдог цаг ирнэ” гэж дэмий донгосож байхаар улс орны аюулгүй байдалд анхаарлаа хандуулах цаг болжээ. Мөрөөдөөд ч бүтэхгүй юм гэдэг нь наадах чинь л байх шүү.
Г.ДЭЛГЭРЦЭЦЭГ