“Цагдаагийн инээмсэглэл” сэдэвт фото зургийн уралдааны дүн гарчээ.
Улаанбаатар хотын цагдаагийн газраас “Найрсаг Улаанбаатар-Инээмсэглэх
Монгол ” аяны хүрээнд JCI Монгол байгууллагатай хамтран зохион
байгуулсан уг уралдаанд нийт 100 гаруй бүтээл иржээ.
Ингээд
Нэгдүгээр байранд Г.Цолмонгийн ирүүлсэн “Тусч цагдаа” гэрэл зураг
Хоёрдугаар байранд Т.Энхцогтын ирүүлсэн “Иргэн, цагдаа 2 ижил хүсэлтэй” гэрэл зураг
Гуравдугаар байранд Б.Болорын ирүүлсэн “7-р сарын 1” гэрэл зураг
тус тус шалгарсан байна.
Улаанбаатар хотын цагдаагийн газраас цагдаагийн байгууллагын ажил
албаны онцлог, алба хаагчдын мэргэжлийн ур чадварыг иргэд, олон нийтэд
эерэгээр сурталчлах, цагдаа-олон нийтийн хамтын ажиллагааг бэхжүүлэх
зорилгоор тус уралдааныг зохион байгуулжээ.
Уралдааныг “Жи Си Ай” Монгол байгууллагатай хамтран хоёр сарын хугацаатай зохион байгуулсан аж.