Цагдаагийн ерөнхий газрын удирдлагуудтай Өвөрхангай аймаг дахь Цагдаагийн газрын нийт бие бүрэлдэхүүнтэй уулзалт зохион байгуулав. Уулзалтад Цагдаагийн ерөнхий газрын Дэд дарга, цагдаагийн хурандаа М.Лувсандорж, Захиргааны удирдлагын газрын дарга, цагдаагийн хурандаа П.Оростогоо нар оролцлоо.
Уулзалтын эхэнд Өвөрхангай аймаг дахь Цагдаагийн газрын дарга, цагдаагийн хурандаа О.Ганбат аймгийн хэмжээний эрүүгийн болон хэв журмын нөхцөл байдлын талаар болон цаашид гэмт хэрэгтэй тэмцэх, урьдчилан сэргийлэх чиглэлээр зохион байгуулж буй бодлогын баримт бичгийн талаар танилцуулав.
Мөн ЦЕГ-ын Дэд дарга, цагдаагийн хурандаа М.Лувсандорж цагдаагийн байгууллагаас баримтлаж буй бодлого чиглэл, бүтэц орон тоо, ажлын байрны тодорхойлолт гэх мэт олон асуудлын талаар алба хаагчдад мэдээлэл, өгч, тэдний сонирхсон асуултад хариулж, санал хүсэлтийг нь хүлээн авч ажиллалаа.
