Цагдаагийн ерөнхий газрын төв байрны албан хаагч, ажилтны сахилга, ёс зүй, харилцаа, ажлын хариуцлага, бүтээмжийг дээшлүүлэх зорилго бүхий 2019 оны сахилга, хариуцлагын зөвлөгөөн өнгөрсөн баасан гарагт Мөрдөн байцаах албаны хурлын танхимд зохион байгуулагдлаа.
Тус сахилгын зөвлөгөөнийг Цагдаагийн ерөнхий газрын Захиргааны удирдлагын газрын дарга, цагдаагийн хурандаа Б.Бат-Өлзий удирдан явуулсан бөгөөд зөвлөгөөнд Санхүү, аж ахуйн албаны дарга, цагдаагийн хурандаа Х.Доржсүрэн, Мэдээлэл, дүн шинжилгээ, шуурхай удирдлагын албаны дарга, цагдаагийн хурандаа О.Зоригт, цагдаагийн ерөнхий газрын төв байранд ажилладаг нийт алба хаагч, ажилтан болон Хар тахитай тэмцэх газар, Тусгай ажиллагааны газар, Гэрч хохирогчийг хамгаалах хэлтэс, Төв архив, хүч спорт хороо, Сүлд чуулга, Бүртгэл, хяналтын төв, Цагдаа, дотоодын цэргийн сургалтын нэгдсэн төв, Хэвлэл, мэдээллийн төвийн удирдах албан тушаалтнууд оролцлоо.
Энэхүү сахилгын зөвлөгөөнөөр Захиргааны удирдлагын газрын даргаас өгсөн үүрэг, алба хаагчдаас гаргасан санал шүүмжлэлийн мөрөөр авч хэрэгжүүлсэн ажил, арга хэмжээний талаар танилцуулан алба хаагчдын санал, шүүмжлэлийг хүлээн авч, цагдаагийн хурандаа Б.Бат-өлзий алба хаагчдын сахилга, ажлын хариуцлагыг дээшлүүлэх чиглэлээр үүрэг, ажлын чиглэл өгсөн юм.
