Цагдаагийн албан хаагч үүргээ амжилттай гүйцэтгэж, хүний амь нас аварсан байна. Тодруулбал, Баянгол дүүргийн цагдаагийн хоёрдугаар хэлтсийн нийтийн хэв журам хамгаалах тасгийн цагдаа цагдаагийн а/а Э.Бямбадэлгэр а/а Г.Батмөнх нар байрны дээрээс үсэрч амиа хорлох гэж байсан иргэнийг аварчээ.
Тэднийг Баянгол дүүргийн 13 дугаар хороонд эргүүлийн үүрэг гүйцэтгэх хугацаанд тус дүүргийн 20 дугаар байрны дээвэр дээрээс нэг хүн амиа хорлох гэж байна гэсэн мэдээллийг иргэдээс хүлээн авч шуурхай шалгаж, уг этгээдийг аман хэлэлцээрийн аргаар тайвшруулан эрдэнэт хүний амь насыг нь аварсан байна.