Ажил үүргээ гүйцэтгэж явсан замын цагдаагийн алба хаагчийг мөргөж гэмтээсэн хэрэг өчигдөр /20419.05.30/ гарсан. Тодруулбал 2019.05.30-ны 12:40 минутанд Сүхбаатар дүүргийн 6 дугаар хороо Сүхбаатарын гудамж, Засгийн газрын ордны баруун хойд уулзварт амины Toyota Land Cruiser маркийн автомашины жолооч зам дээр албан үүргээ гүйцэтгэж байсан Сүхбаатар дүүрэг дэх замын цагдаагийн хэлтсийн цагдаа зохицуулагч 25 настай Б мөргөж гэмтээсэн байна. Осолд өртсөн цагдаагийн алба хаагч эмнэлэгт хэвтэн нарийн шинжилгээ хийлгүүлж байгаа юм. Хэргийг Сүхбаатар дүүргийн цагдаагийн хэлтэст шалгаж байна.