Улсын онцгой комисс хуралдаанаар Цагаан сарыг тэмдэглэхгүй байх санал гаргаад байсан. УОК-оос шинэ коронавирусээс урьдчилсан сэргийлэх зорилгоор сар шинийн баярыг тэмдэглэхгүй байх саналыг холбогдох байгууллага, албан тушаалтнуудад хүршүүлээд байсан. Үүний дагуу Ерөнхийлөгч Цагаан сарыг тэмдэглэхгүй байх тухай зарлиг гаргахаар болж, зарлигийн төсөлдөө Засгийн газраас саналыг нь авахаар илгээсэн. Уг саналыг нь Засгийн газар өнөөдрийн ээлжит хуралдаанаараа хэлэлцэн дэмжжээ. Ерөнхийлөгчийн зарлигийн төсөлд цагаан сарыг тэмдэглэхгүй байх, цагаан сартай холбоотой зар сурталчилгааг зогсоох, үзэсгэлэн худалдааг хязгаарлах зэрэг саналууд багтсан байна.