Ойрын өдрүүдэд цаг агаар тогтуун сайхан байгаа. Хөдөө орон нутагт төлийн дуу ид цангинаж байна. Мал төллөлт эхэлсэн энэ өдрүүдэд цаг агаар ямар байх талаар Ус цаг уурын хүрээлэнгээс гаргасан мэдээг хүргэе. Өнөөдөр ихэнх нутгаар багавтар үүлтэй харьцангуй дулаахан байх аж. Маргаас 11-нд баруун зүгийн нутгийн баруун хэсгээр, 12-нд Хангайн уулсаар, 13-нд баруун болон төвийн нутгаар, 14-нд нутгийн зүүн хагаст цас орно. Салхи 12-нд Алтайн уулсаар, 13,14-нд зарим газраар секундэд 12-14 метр хүрч ширүүснэ. Гэхдээ хүйтний эрч суларч Увс нуур болон Дархадын хотгор, Идэр, Тэс голын сав газраар шөнөдөө 23-28 градус, өдөртөө 8-13 градус хүйтэн, Хүрэн бэлчир, Эгь-Үүр, Сэлэнгэ, Хараа, Туул, Тэрэлж, ,Онон, голын сав газраар шөнөдөө 18-23 градус, өдөртөө 4-9 градус хүйтэн говийн бүс нутгийн өмнөд хэсгээр шөнөдөө 8-13 градус хүйтэн, өдөртөө 3-8 дулаан, бусад нутгаар шөнөдөө 12-17 градус хүйтэн, өдөртөө 3 градус дулаанаас 2 градус хүйтэн байна.