Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд Хөвсгөл аймгийн Тосонцэнгэл сумын харъяат улсын харцага Ц.Содномдорж түрүүлж, Улсын арслан цол хүртсэн билээ.
Тэгвэл шинэхэн арслан Ц.Содномдоржийн цолны мялаалгын наадам долдугаар сарын 27-ны өдөр Хөвсгөл аймгийн Тосонцэнгэл суманд болохоор товлогджээ. Цолны мялаалгад түрүүлсэн бөхийг 15 сая төгрөгөөр шагнах юм байна.