Коронавирусийн нөхцөл байдлын өнөөдрийн хэвлэлийн хурлын үеэр хоёрдугаар сарын 23-ны өдрөөс мөрдөх дүрэм журам гарсан эсэхийг асуусан сэтгүүлчийн асуултад УОК-ын хэвлэлийн төлөөлөгч Ц.Ганзориг ” Хоёрдугаар сарын 23-наас нийслэлчүүд энгийн горимд шилжих гэж байна. Иргэдээс маш энгийн гурван дүрмийг шаардана. Зай барина, маскаа зүүнэ, гараа ариутгана. ААН, төрд илүү их хариуцлага байна гэсэн үг. Үйлдвэр, үзвэр үйлчилгээний газрууд нээгдэнэ. 12 хоногийн хугацаанд өрх бүрийг шинжилгээнд хамруулж байгаа учраас PCR шинжилгээний бичиг шаардахгүй, 23-наас хойш иргэн, төр, ААН-ийн тус бүрийн хариуцлагын асуудал хөндөгдөнө гэсэн үг. Өнөөдөр 14:00 цагаас УОК-ын нэгдсэн хуралдаантай. Гамшгийн зэрэглэлийг бууруулах талаар хуралдана. Ямар газрууд нээгдэх, эдийн засгийн хэдэн хувь нээгдэх зэрэг мэдээллүүдийг 16:00 цаг орчимд хүргэнэ” хэмээн хариуллаа.