Триатлоны улсын аварга шалгаруулах тэмцээн өнөөдөр Архангай аймгийн Өгий нуурын эрэгт эхэлнэ. Тус тэмцээн нь Монгол оронд шинээр хөгжиж байгаа триатлоны спортыг олон нийтэд сурталчлах, “Жакарта Палембанг-2018” Азийн зуны спортын 18-р наадамд оролцох шигшээ багийн тамирчдыг сонгон шалгаруулах зорилготой юм.
Тэмцээн эрэгтэй, эмэгтэй мэргэжлийн тамирчид болон 18-аас дээш насны сонирхогчдын ангиллаар болно. Мөн энэ жилийн тэмцээнд шинэ төрөл нэмэгдсэн нь мини триатлон буюу бага насны хүүхдүүдийн тэмцээн юм. Аваргууд ирэх ням гарагт тодорно.