Тавдугаар сарын сүүлээр Японд айлчлахдаа АНУ-ын ерөнхийлөгч Дональд Трамп мэргэжлийн сүмо бөхийн барилдааныг биеэр үзэх хүсэлтээ илэрхийлсэн тухай Японы Сүмогийн Холбооны эх сурвалж өнөөдөр мэдээлжээ.
Тиймээс албаны хүмүүс тавдугаар сарын тэмцээний сүүлчийн өдрийн буюу 26-нд болох барилдааныг үзүүлэхээр бэлтгэл ажилдаа орсон байна. Харин Дональд Трамп 26-наас 28-ны хооронд Токиод айлчлах төлөвтэй байгаа.
Вашингтоноос Трамп болон түүний туслахуудад зориулж Токиогийн Рёгоку Кокугикан ордны эхний гурван эгнээнд багц суудал захиалсан гэх мэдээлэл байна.
Тавдугаар сарын мэргэжлийн сүмогийн тэмцээн 12-ны өдөр эхлэх юм.