Хүүхэд хамгаалал, аюулгүй байдлыг хангуулах зорилгоор Нийслэлийн хүүхэд гэр бүл хөгжлийн газар, Замын цагдаагийн алба хамтран ажиллаж байна. Хүүхдийг осол гэмтэл, болзошгүй эрсдэлээс урьдчилан сэргийлэх, эцэг эх олон нийтэд сурталчилгаа нөлөөллийн үйл ажиллагаа зохион байгуулах зорилготой “Анхаарал хариуцлага эрсдэлгүй орчин” долоодугаар сарын 1 өдрөөс есдүгээр сарын 1 хооронд хоёр сарын хугацаанд зохион байгуулж байгаа юм. Аяны хүрээнд амралт зугаалга эхэлсэнтэй холбогдуулаад Улаанбаатар хотын 4 чиглэл буюу Баянзүрхийн товчоо, 22 –ын товчоо, Яармаг, 7 буудал, Налайх, Багахангайн постоор хөдөө орон нутаг руу гарч байгаа иргэдэд хүүхдийг осол гэмтлээс урьдчилан сэргийлэх яриа таниулга хийх, хүүхэд тээвэрлэлтэнд хяналт тавих ажлыг Нийслэлийн Хүүхэд, гэр бүлийн хөгжлийн газар, Цагдаагийн газар, Замын цагдаагын албатай хамтран зохион байгуулж байна.