Токиогийн олимпийн наадмын үеэр өдөрт 50-60 мянган PCR шинжилгээ авах юм байна. Тамирчид, дасгалжуулагчид болон тэдэнтэй хавьтсан бүх хүнийг өдөр бүр шинжилгээнд оруулж байх юм.Токиогийн олимпийн наадмыг зохион байгуулах хорооны тэргүүн Сэйко Хашимото онлайн хэвлэлийн бага хурал дээр “Өдөр бүр 50-60 мянган шинжилгээ хийх болно. Тамирчин, дасгалжуулагчаас бусад олимпийн наадмын оролцогч хүмүүс эхний 3 өдөр л шинжилгээнд хамрагдана” гэж мэдэгджээ.
Токиогийн олимпийн наадам долоодугаар сарын 23-наас наймдугаар сарын 8 хүртэл Токио хотод явагдана. Одоогийн байдлаар гадаадын үзэгчдийг олимпод оролцуулахгүй байх шийдвэр гарсан байгаа. Харин дотоодын үзэгчдийн асуудлыг ирэх зургадугаар сард шийдэх юм