“Токио 2020” олимпийн наадмын тав дахь өдөр спортын таван төрөлд манай улсын баг тамирчид өрсөлдөнө.
Жүдо бөхийн эмэгтэйчүүдийн 63 кг-ын жинд Б.Ганхайч, эрэгтэйчүүдийн 81 кг-ын жинд Саиед Моллайе зодоглох юм. Мөн сагсан бөмбөгийн 3х3 төрлийн багийнхан хоёр тоглох хуваарь гарчээ.
Түүнчлэн хийн гар бууны 10 м-ын буудлагын төрөлд холимаг баг буюу Ц.Анударь, Э.Даваахүү нар цэц мэргэнээ сорих юм.
Өнөөдөр мөн байт харвааны ганцаарчилсан төрөлд Б.Отгонболд, Б.Урантунгалаг нар өрсөлдөх бол ширээний теннисний ганцаарчилсан төрөлд Э.Лхагвасүрэн, залуу тамирчин Б.Болор-Эрдэнэ хурд, авхаалж самбаагаа сорино.
