Олимпийн наадмаас Монголын багийн дөрөв дэх медалийг зүүсэн Б.Болортуяа медалиа гардаж авлаа.
Түүний медалийг Монголын багийн ахлагч, МҮОХ-ны тэргүүн дэд ерөнхийлөгч, ОУОХ-ны гишүүн Б.Баттүшиг гардуулан өгөв. Хүсэн хүлээсэн медалиа Монголын багийн ахлагчаасаа гардан авч буй мөч тун ч сэтгэл хөдөлгөм байв.
Б.Болортуяа хүрэл медаль авснаар Монголын баг нэг мөнгө, гурван хүрэл медальтай болж, багийн дүнгээр 69 дугаарт бичигдэж байна гэж МҮОХ-ноос мэдээлэв.
