Өнөөдөр “Олон улсын эмч нарын өдөр” тохиож байна. Энэ өдрийг анх АНУ-д 1990 оны гуравдугаар сарын 30-нд “Үндэсний эмч нарын өдөр” болгон тэмдэглэж байжээ. Үүнээс хойш Дэлхийн эмч нарын холбооноос жил бүрийн гуравдугаар сарын 30-ны өдрийг “Олон улсын эмч нарын өдөр” болгон албан ёсоор тэмдэглэн өнгөрүүлдэг болсон билээ.
Энэ өдрийг тохиолдуулан УНТЭ-ийн Дүрс оношлогооны эмч Базарсадын Гандолгорыг Монголын Залуучуудын Холбооны “Тэргүүний залуу эмч” цол тэмдгээр шагналаа. Тэрээр сүүлийн гурван жилд 35.000 гаруй иргэнд үзлэг оношлогоо хийж, эрүүл мэндийн үйлчилгээ үзүүлсэн шилдэг залуу эмч нарын төлөөлөл юм.
Манай улсын эрүүл мэндийн байгууллагад 50519 ажилтан ажилладаг. Үүний 20 хувь нь буюу 10576 нь их эмч буюу эрүүл мэндийн 5 ажилтан тутмын 1 нь их эмчээр ажиллаж байна.