Монголын урчуудын эвлэлд уран барималч Даваадоржийн Анхбаяр өвөрмөц, содон үзэсгэлэн нээлтээ хийлээ. Тэрээр өмнө нь 2013 онд “Салхин сар” нэртэйгээр анхны бие даасан уран барималын үзэсгэлэнгээ гаргаж байсан бол хоёрдох бие даасан үзэсгэлэнгээ “Wind of Sky буюу Тэнгэрийн салхи” хэмээн нэрлэжээ. Өвөрмөц, содон барималуудаас бүтсэн уг үзэсгэлэн тэр бүр олны хүртээл болоод байдаггүй эротик сэдвийг хөндөн урлажээ. Үзэсгэлэнд хүрэл чулуу, мод метал чулуу, холимог техник зэргээр хийгдсэн нийт арав гаруй бүтээл тавигдсан бөгөөд бүтээл бүрийн нэрийг агуулсан, утгыг илэрхийлсэн хоёроос дөрвөн мөртүүд байгаа нь үзэсгэлэнгийн бас нэгэн сонирхолтой татаж байсан юм.
“Ганц биед оршсон арга билгийн эвцээн
Гадагш нэвчин шатаахдаа тачаалыг аргадан тэрчильюү
Хэвлийн хананд хүрэлцэх нүргээн
Хэцүү нэртийн АНИРГҮЙ УЛИАН”
Тус үзэсгэлэн нь 1-р сарын 16-ныг хүртэл Монголын урчуудын эвлэлд тавигдах юм.
У.МӨНХ-ЭРДЭНЭ