Жил бүрийн 12 дугаар сарын 07-ны өглөө Улс орон даяар нэгэн зэрэг эхэлдэг жилийн эцсийн “Мал, тэжээвэр амьтдын 2019 оны тооллого” эхлэх гэж байгаатай холбогдуулан өчигдөр тус хэлтсээс хороодын салбар Ажлын хэсгийн ажилтнуудад тооллогын зохион байгуулалт, маягтыг хэрхэн үнэн зөв бөглөх, анхаарах асуудлын талаар сургалт зохион байгууллаа. Дүүргийн Засаг даргын 2019 оны 12 дугаар сарын 04-ний өдрийн А/458 дугаар захирамж гарч, хороодод салбар Ажлын хэсэг байгуулагдсан.
Тус дүүргийн хувьд мал аж ахуй эрхлэхийг хориглосон хотын ногоон бүс тул зөвхөн ашиг шимээ өгдөг тэжээвэр амьтдыг тооллогод хамруулах, үүнтэй зэрэгцэн НИТХ-ын Тэргүүлэгчдийн 2002 оны 222 дугаар тогтоолоор баталсан “Нийслэлийн нутаг дэвсгэрт нохой, муур тэжээх арчлах, золбин нохой, муур устгахад мөрдөх журам”-ын дагуу 2019 оны тэжээвэр нохой, муурны бүртгэлийг шинэчлэн гаргах ажил хийгдэх юм.
Сургалтын үеэр салбар Ажлын хэсгүүдэд тооллогын маягт, бал, утасны нэгж, тоолох үе шатанд шаардагдах тээврийн зардал зэргийг олгож, ажиллах нөхцөлийг бүрдүүлэв.
Тус дүүргийн хувьд тэжээвэр амьтдын тооллого 12 дугаар сарын 07-ноос 15-ны өдрүүдэд явагдах тул иргэд тооллогодоо идэвхтэй оролцож, үнэн бодит мэдээллээ өгөх нь чухал юм.