Татвар төлөгч иргэд 2013 оны Хувь хүний орлогын албан татварын тайланг 2014 оны хоёрдугаар сарын 15-ны дотор гарган өөрийн харъяалах татварын албанд өгөх ёстой. Татварын албад хувь хүний орлогын албан тайланг энэ оны нэгдүгээр сарын 1-ээс авч эхэлсэн байна. Хуулийн дагуу хөнгөлөлт чөлөөлөлт эдлэх иргэн Үндэсний татварын албанаас гаргасан бүрдүүлэх материалын жагсаалтын дагуу зохих бичиг баримтуудыг бүрдүүлнэ. Орон сууцны чөлөөлөлтөд анхны жилд хамрагдаж байгаа иргэн 12 төрлийн бичиг баримт материал бүрдүүлнэ. Харин хоёр буюу түүнээс дээш жил орон сууцны чөлөөлөлтөд хамрагдаж байгаа иргэн долоон төрлийн, сургалтын төлбөрийн хөнгөлөлтөд хамрагдах иргэн 6-10 төрлийн бичиг баримт бүрдүүлж байгаа.
Хувь хүний орлогын албан татварын хөнгөлөлт, чөлөөлөлт эдэлж байгаа иргэдийн бүрдүүлбэл зохих материалын жагсаалтыг Татварын ерөнхий газрын www.mta.mn вэб хуудсанд байршуулсан байна. Тайлан авч байгаатай холбогдуулан татварын хэлтсүүд ачаалалтай ажиллаж байсан.