Орц

(хоёр хүний)

Элэг-500 гр

Ногоон сонгино-50-60гр

Сонгино-тал

Сармис-2-3 хумс

Давс-тал халбага

Хар перец-1/4 цайны халбага

Амтат чинжүү-1/3 цайны халбага

Цөцгий-хоёр хоолны халбага

Томатны соус-нэг хоолны халбага

Хийх арга

Элгийг угааж хэрчсэний дараа далд орох төдий усанд хийж зөөлөн гал дээр буцалгана. Ингээд болох болох үед нь уснаас гаргаж сайтар шүүж хөргөөрэй. Хонины элгийг хонины ясны шөл, үхрийн элгийг үхрийн ясны шөлөнд чанавал илүү амттай болдог. Дараа нь элгийг автомат холигчинд хийж миксердэнэ.

Амтлахдаа давс, хар перец, сонгино, сармис, томатны сүмс, цөцгий, улаан чинжүү, амтат чинжүү зэргээс сонгож элэгтэйгээ хамт миксердээрэй.Тэгвэл зөөлөн атлаа ам дарвигануулсан халуун амттай, аманд ороод ууссан элэгний нухаш болох болно.

Үүнийхээ дараа хөргөгчинд хийж хөргөөд л идэхэд бэлэн болно.

Хэрвээ энгийн аргаар амтлахыг хүсвэл давс, сонгино, сармис, хар перец, гоньд зэргийг ашиглаж болох юм. Элэгний нухашийг гич, ногоон сонгино эсвэл яншуйгаар амтлаад талхан дээр түрхэж идэхэд тохиромжтой байдаг.

Унгар гуляш

Орц

(гурван хүний)

Үхрийн мах-хоёр кг

Сонгино-таван ширхэг

Хар перец-нэг цайны халбага

Давс-нэг цайны халбага

Ус-нэг литр

Улаан чинжүү-таван хоолны халбага

Ургамлын тос-60 гр

Сармис-гурван хумс

Гоньд-нэг цайны халбага

Хийх арга

Хайруулын тавганд ургамлын тос хийж халаагаад жижиглэн хэрчсэн сонгиныг хийж шаргал өнгөтэй болтол хуурна. Дээрээс нь мөн жижиглэн хэрчсэн сармис, улаан чинжүү, хар перец, давс, гоньдыг хийж хуураарай. Гоньдны оронд орегано хэрэглэж болно. Ингээд урьдчилан бэлтгэсэн үхрийн эсвэл хонины ясны шөл, томатны сүмсийг хийж хутгана. Сүмсийг буцалмагц галаа багасгаад зөөлөн буцалгана. Үүн дээрээ томоор хэрчиж бэлтгэсэн (4см*4см орчим) үхрийн махыг хийж 1-1,5 цаг дунд зэргийн гал дээр буцалгана. Хэрвээ та хүсвэл төмс, лууван хийж чанаж болох ба махыг 30 минутаас нэг цаг буцалсны дараа ногоог томоор хэрчиж хийгээрэй. Махтай зэрэг хийж чанавал төмс, ногоо хэтэрхий болж үйрнэ шүү. Ингээд унгар маягийн жороор хийсэн гуляш бэлэн боллоо. Ногоон сонгино, яншуйгаар амтлаад сайхан хооллоорой.

Бэлтгэсэн А.ЗУЛ