“Ирээдүйн одод 2018” олимпийн таеквондогийн тэмцээн 2018 оны дөрөвдүгээр сарын 30-нд эхэллээ. Энэ удаагийн тэмцээнд 34 байгууллагын 600 гаруй таеквондочид бага нас, өсвөр үе гэсэн хоёр ангилалд тулаан болон пүмзэ /тоот дасгал/-ын төрөлд өрсөлдөх юм.
Энэхүү тэмцээний дараа тавдугаар сарын3-4-ний өдрүүдэд “Арслан цом” ОУ-ын тэмцээн, зургаадугаар сард Говь-Алтай аймагт Бага насны УАШТ, есдүгээр сард БНСУ-ын Элчин сайдын нэрэмжит тэмцээн, аравдугаар сард “Булганы цом 2018”, “Ховдын цом 2018”, 11-р сард Насанд хүрэгчдийн УАШТ тэмцээнүүдийг зохион байгуулах юм.
“Ирээдүйн одод 2018” тэмцээнд хөдөө орон нутгаас Ховд, Баян-өлгий, Дорнод, Дорноговь, Дундговь, Сэлэнгэ, Орхон, Дархан зэрэг аймгуудаас ирсэн тамирчид тулаан болон тоот дасгалын төрөлд хурд хүч, авхаалж самбаагаа сорин өрсөлдөж байна.