Баянгол дүүргийн ЗДТГ иргэдийнхээ хүсэлтийн дагуу дүүргийн нутаг дэвсгэрт байрлах контейнерүүдийг нүүлгэн шилжүүлж байна.
Саяхан тус дүүргийн нэгдүгээр хороо контейнергүй болсон бол одоо мөн 3 дугаар хороо контейнергүй болж байна. Тус хороонд нийт 100-аад контейнер байдгаас өнөөдрийн байдлаар 88-ыг нь нүүлгэн шилжүүлжээ. Энэ ажил нь дүүргийн 23 хороонд хийгдэж байгаа бөгөөд эхний ээлжид сургууль, цэцэрлэгийн ойр орчим байрлах контейнерүүдийг нүүлгэн шилжүүлж байгаа аж.
